Нерасчытаная сутра
Аднаго з патрыярхаў
Забытага веравызнаньня
Невядомае веры
Там усё запiсана:
Пра пераходы
Ветру i цiшы
Жыцьця i руiнаў
Сну й чуйнаваньня
Пра вайну зь лiхтарамi
Пра чырвонае сонца
Пра ноч i дарогу
Пра сутарэньнi
Затрыманага часу
На маршруце жаданьняў
У лябiрынце пяшчоты
Дзе замест Мiнатаўра
Кроплi марцiнi
Сутра
Незьлiчоных квiткоў
З адмененых падарожжаў
У кiшэнях
Начнога ветру
Тэлефонаў
Па якiх не шукаеш нiкога
Запiсаных, забытых
На рахунку кавярні
Сутра
Адкладзенага спадзеву
На пераўвасабленьне
У мёртвую котку
Сутра блуканьня
Для аднаго з патрыярхаў
Доўгачаканай самоты
У гатэльным пакоi
Дзе толькi сьцены i неба